viernes, 17 de diciembre de 2010

L'Aragonés Oficial!

L'Asambleya de Fablans Zaragoza refusó reconoxer á lo EFA como autoridat lingüistica y alcordó fer servir as normas de o I Congreso en todas as suyas comunicacions publicas.
A Federazión de Fablans tamién ye partidaria de as normas de o I Congreso. No bi ha dengún Ligallo de Fablans que esfienda as normas de o II Congreso.
Qui, dentro de a Federazión de Fablans, esfendemos atras solucions somos minoría, ixo sí, rispetada.
Pero somos toz d'alcuerdo en o prencipal: que a Lei de Luengas ye un trango entadevant asabelo d'important y que ye menister demandar a o Guvierno que la faya cumplir.
O Guvierno tien toda la lechitimidat ta triar una Academia de a Luenga Aragonesa y adotar una ortografía oficial. Ixo sinifica ser partidario de que l'aragonés siga luenga oficial.
Qui niega la lechitimidat de o Guvierno d'Aragón ta triar una Academia y una ortografía oficial, ye en reyalidat, negando la oficialidat de l'aragonés, encara que lo faya amagándo-se en discursos pretendidament radicals con desincusas estrazadas como "lo Guvierno d'Aragón no ye lechitimo porque no reconoxe lo dreito d'autodeterminación d'Aragón" u "lo EFA surtió d'un movimiento popular".
Cal parar cuenta con istas enganyiflas: si o Guvierno d'Aragón no ye autodeterminista ye un problema nuestro, de os nacionalistas aragoneses, no pas de o Guvierno, y á o EFA agora no más lo refirma ya que Nogará y o BIC.
Estau Aragonés fa tiempo que dició que a zaguera parola en custión lingüistica ha de tener-la lo guvierno d'Aragón. Tal cual o Guvierno Vasco con lo Euskera o lo Guvierno Catalán con o catalan, que parixe que beluns son más papistas que o papa.

2 comentarios:

  1. La darrera paraula sobre la nor-ma-ti-va oficial del català la té l'IEC a Catalunya i l'AVL a València. No la té el "govern". Ara bé, lo cas aragonès és un tema poc comú. I per posar un exemple, si la normativa de l'AVL l'accepta la societat civil (la que s'expressa en català al País Valencià) és un tema molt més complex que una legislació concreta. I aquí la institució acadèmica (i els polítics) s'han de guanyar eixe reconeixement civil. Igual que se l'ha de guanyar una institució triada per gran part dels qui escriuen en aragonès. No siguem més governamentalistes que el govern. La confiança en la nova acadèmica o la nova normativa se l'han de guanyar. I 25 anys d'acció de govern no legitimen especialment al Govern d'Aragó a ulls d'aquells que volem lo millor per a la llengua aragonesa.

    ResponderEliminar
  2. No ye l'acción u inacción de o Guvierno qui lo lechitima, ye lo feito de que ixe guvierno ye triau por sufrachio universal.
    As Academias Oficials sirven ta fixar as trazas d'endrezar-se ta l'Alministración con a luenga oficial: si os aragonesofablans no podemos escribir-le en aragonés á o Guvierno d'Aragón ye absurdo fer una Academia, cadagún continará escribindo como le pete.
    Yo creigo que ye sobrebuena ideya que haya una Academia Aragonesa de a Luenga Catalana: se puede ser aragonés y charrar catalán, a Francha ye aragonesa de parla catalana, ixo ye un buen mensache ta os esfensors de os Països Catalans, que siempre m'han parexiu un invento parellano á lo de a Hispanidat pero con estrela roya.

    ResponderEliminar